9 வயது சிறுமியை ஐஎஸ்ஐஎஸ் தீவிரவாதி மணந்தாரா?: உண்மையில் நடந்தது என்ன?

குர்ஆனில் உள்ள சூராக்களை மனப்பாடமாக கூறும் போட்டியில் கலந்து கொண்ட சிறுமி ஒரு சூராவை தவறாக கூறியதால் அழுதுள்ளார். அவரை போட்டிக்கு ஏற்பாடு செய்தவர்களில் ஒருவரான அந்த வாலிபர் சமாதானம் செய்ததை பார்த்து அவர்களுக்கு திருமணமாகிவிட்டதாக செய்திகள் வெளியாகின.

இந்நிலையில் இது குறித்த வீடியோ ஃபேஸ்புக்கில் வெளியாகியுள்ளது. அரபு மொழியில் உள்ள வீடியோவின் தலைப்பில் துனிசியாவைச் சேர்ந்த போராளி 9 வயது சிறுமியை திருமணம் செய்ய விரும்புகிறார். அதனால் சிறுமி அழுகிறார் என்று கூறப்பட்டுள்ளது.

இந்த வீடியோவை பார்த்த அரபு மொழி தெரிந்த ஒருவர் ஃபேஸ்புக்கில் கூறியிருப்பதாவது, துனிசிய போராளி ஒருவர் 9 வயது சிறுமியை திருமணம் செய்ய விரும்புவதாக கூறப்பட்ட வீடியோவை பார்த்தேன். நான் துனிசியாவைச் சேர்ந்தவன் என்றாலும், முஸ்லீம் என்றாலும் போராளிகளை அவமதிக்க தயங்காதவன். தங்களை போராளிகள் என்று கூறிக் கொள்ளும் தீவிரவாதிகளை ஐரோப்பியர்கள் மட்டும் இன்றி முஸ்லீம்களும் வெறுக்கிறார்கள்.

ஆனால் அந்த வீடியோவில் குரான் போட்டியை நடத்தும் நபரை பார்த்தேன். சிறுமி ஒரு சூராவை தவறாக கூறியதுடன் மறந்துவிட்டதாலும் அழுதார். நல்ல காலம் எனக்கு அரபு மொழி தெரிந்ததால் அது புரிந்தது. அரபு மொழி தெரியாதவர்கள் அந்த வீடியோ குறித்து என்னவெல்லாம் சொல்வார்களோ என்று அந்த நபர் தெரிவித்துள்ளார்.