திடீர்னு குறுக்கே வந்த 'பேய்' கார்.. இன்டர்நெட்டைக் கலக்கும் வீடியோ!

வழக்கமாக பேய்கள், ஆவிகள் பாழடைந்த பங்களா, ஆள் நடமடாட்டம் இல்லாத வீடுகள், சாலையோர புளிய மரம் இப்படி ஏதாவது ஒன்றில்தான் வாசம் செய்யும் என்று நாம் குட்டிக் குழைந்தைகளாக இருந்தது முதலே காது குத்தி வந்துள்ளது இந்த உலகம்.

ஆனால் ஒரு கார் திடீரென நடு ரோட்டில் முளைத்து சர்ரென்று கிராஸ் செய்து போன சம்பவம் வினோதமாக உள்ளது.

இந்தப் பேய் ரொம்ப மாடர்ன் போல. ஹை டெக் பேயான இதுகுறித்துத்தான் இப்போது இணைய உலகமே கதைகதைத்து வருகிறது, பதை பதைத்துப் போய்.

அந்த மாஸ்கோ நகரத்து சாலையில் நடந்த சம்பவம் இதுதான்.. ஒரு போக்குவரத்து சிக்னலில் பிஎம்டபிள்யூ கார் ஒன்று சிக்னலுக்காக காத்திருக்கிறது.

கிரீன் சிக்னல் கிடைத்ததும் அந்தக் கார் மெதுவாக நகருகிறது. சாலையில் வேகமாக ஓடத் தொடங்கும்போது...

திடீரென ஒரு புதிய கார் அந்த பிஎம்டபிள்யூ காருக்கு முன்பாக தோன்றி சர்ரென்று குறுக்கே பாய்கிறது. இதைப் பார்த்து பிஎம்டபிள்யூ காரில் இருந்தவர்கள் அலறிக் கத்துகிறார்கள். கார் சடர்ன் பிரேக் போட்டு நிறுத்தப்படுகிறது.

எப்படி அந்த திடீர் கார் சாலையில் நட்ட நடுவே வந்தது என்பது தெரியவில்லை.

இந்த மர்மக் கார் கிராஸ் செய்வதை பிஎம்டபிள்யூ காருக்குப் பின்னால் வந்த காரில் இருந்தவர்கள் வீடியோவில் படமாக்கியுள்ளனர். இதை யூடியூபிலும் போட்டுள்ளனர்.

இந்த வீடியோவை இதுவரை 20 லட்சம் பேர் பார்த்துள்ளனர்.

பலர் இது பேய்க் கார் அல்ல.. பிஎம்டபிள்யூ காருக்கு முன்பாக அது வந்திருக்கலாம். அது நமது பார்வையில் தெரியவில்லை. அது கடந்தபோது திடீரென வந்தது போலத் தெரிகிறது என்று கூறியுள்ளனர்.

நீங்க என்ன நினைக்கிறீங்க...

திடீர்னு குறுக்கே வந்த 'பேய்' கார்.. இன்டர்நெட்டைக் கலக்கும் வீடியோ!