விண்வெளிப் பயணங்களுக்கு இந்த "கிளாஸ்" சரிப்பட்டு வராதாம்!

இந்த சோதனையின்போது கூகுள் கிளாஸ் தவிர ஐபேடும் கூட சோதனைக்குட்படுத்தப்பட்டது. இதில் ஐபேடை விண்வெளி சூழலில் பயன்படுத்த முடியும், ஐபேட் விண்வெளிப் பயன்பாட்டுக்கு மிகப் பொருத்தமாக உள்ளது என்று தெரிய வந்ததாம்.

ஆனால் கூகுள் கிளாஸ் சரிப்பட்டு வரவில்லை. விண்வெளி சூழலுக்குப் பொருத்தமானதாக அது இல்லை என்று தெரிய வந்துள்ளது.

இதுகுறித்து விண்வெளி வீரர்கள் குழு கூறுகையில், கூகுள் கிளாஸ் என்பது நல்ல வளர்ச்சிதான். ஆனால் அதன் பேட்டரி சற்று மோசமாக உள்ளது. மேலும் டிஸ்பிளேயும் சரியில்லை.

எனவே இதை நடைமுறைக்கு விண்வெளியில் பயன்படுத்துவது இப்போதுள்ள முறையில் சற்று கடினம். பொருத்தமாக இல்லை. இதில் மாற்றம் வந்தால் பரிசீலிக்கலாம் என்று கூறியுள்ளனர்.

வீடியோ பதிவில் கூகுள் கிளாஸ் பாஸ் செய்து விட்டதாம். ஆனால் ரீடிங் விஷயத்தில்தான் தோல்வியடைந்து விட்டதாம்.

நீமோ 18 ( NEEMO 18 ) என்ற பெயரில் நாசா அறிமுகப்படுத்தியுள்ள நீருக்கு அடியில் ஏற்படுத்தப்பட்டுள்ள ஆய்வகத்தில் பல்வேறு வகையான பரிசோதனைகள் நடந்து வருகின்றன. அதில் ஒரு பகுதியாக இந்த ஐபேட் மற்றும் கூகுள் கிளாஸ் சோதனையும் நடந்துள்ளது.

புளோரிடா கடற்கரைக்கு அப்பால் இந்த நீருக்கு அடியில் அமைந்துள்ள ஆய்வகத்தை நாசா அமைத்துள்ளது குறிப்பிடத்தக்கது.