“சிங்கம் சிங்கிளாதான் டிவி பார்க்கும்”.. அதுவும் “சிம்பிள்” டிரஸ்ஸோட!

ஈரான் அணியும், நைஜீரியா அணியும் மோதிய போட்டியைத்தான் ஹசன் பார்த்த ரசித்துள்ளார். அதுதான் தற்போது டிவிட்டரில் வெளியாகியுள்ளது.

மத ரீதியான அடையாளம் எதுவும் இல்லாமல், படு சிம்பிளான உடையில், சாதாரண ஒரு மனிதராக இதில் காட்சி தருகிறார் ஹசன்.

ஈரான் அணிக்கு பெர்சிய மொழியில் டீம் இ மில்லி என்று பெயர் உண்டு.

ஹசன் போட்டிருந்த டி சர்ட்டில் ஈரான் அணியின் இலச்சினை அடங்கிய பேட்ஜ் இருந்தது.. இந்தப் படம் ஹசனின் டிவிட்டர் பக்கத்தில் வெளியாகியுள்ளது.

இந்தப் போட்டி 0-0 என்ற கணக்கில் டிராவில் முடிந்தது. படத்துடன், ஈரான் அணிக்கு வாழ்த்துகளையும் தெரிவித்திருந்தார் ஹசன்- ஆங்கிலத்தில்.

மேலும் தனது வாழ்த்தில், எங்களது அணியை நினைத்தால் பெருமையாக இருக்கிறது. இனி வரும் காலங்களில் மிகச் சிறப்பான நிலையை அவர்கள் தொடுவார்கள் என்று நம்புகிறேன் என்று கூறியுள்ளார் ஹசன்.

ஈரான் அதிபர் ஹசன், தனது பாரம்பரிய உடையில் இல்லாமல் காட்சி அளிப்பது இதுவே முதல் முறை என்று கூறப்படுகிறது. இதற்கு முன்பு 90களில் அவர் கிளாஸ்கோ பல்கலைக்கழகத்தில் பிஎச்டி பட்டம் வாங்க வந்தபோதுதான் சிம்பிளான உடையில் வந்திருந்தார்.

ஹசனின் இந்தப் புகைப்படத்திற்குப் பெருத்த வரவேற்பு கிடைத்துள்ளது. டிவிட் வெளியான சில மணி நேரங்களிலேயே 3000 ரீட்வீட்கள் பறந்து விட்டன. 2600 முறை இது பேவரைட்டாகியுள்ளது.