கென்ய ராணுவத்தின் ட்விட்டர் கணக்கை ஹேக் செய்த விஷமிகள்

By Siva

Published: Tuesday, July 22, 2014, 17:12 [IST]

நைரோபி: கென்ய ராணுவத்தின் ட்விட்டர் கணக்கு ஹேக் செய்யப்பட்டுள்ளது.

கென்ய ராணுவத்தின் ட்விட்டர் கணக்கு அடையாளம் தெரியாத நபர்களால் ஹேக் செய்யப்பட்டுள்ளது. இந்த செய்தியை ராணுவ செய்தித் தொடர்பாளர் உறுதி செய்துள்ளார்.

இது குறித்து கர்னல் வில்லி வெசோங்கா கூறுகையில்,

கென்ய பாதுகாப்பு படைகளின் ட்விட்டர் கணக்கு திங்கட்கிழமை காலை ஹேக் செய்யப்பட்டது. ஆனால் ராணுவ சிஸ்டம்களுக்குள் அவர்கள் ஊடுறுவவில்லை. கணக்கை யார் ஹேக் செய்தார்கள் என்தை கண்டுபிடிக்கும் வேலையில் ராணுவ தொழில்நுட்ப அதிகாரிகள் ஈடுபட்டுள்ளனர் என்றார்.

இது தவிர ராணுவ அதிகாரி மேஜர் இம்மானுவேல் சிர்சிர் நிர்வகித்த மேலும் ஒரு ட்விட்டர் கணக்கும் ஹேக் செய்யப்பட்டுள்ளது.