எம்.ஹெச். 17: பலியானவர்களின் உடல்கள் விமானம் மூலம் அவரவர் நாடுகளுக்கு அனுப்பி வைப்பு

மலேசிய விமானத்தில் சென்று பலியானவர்களில் 282 பேரின் உடல்கள் குளிரூட்டப்பட்ட ரயில் மூலம் நெதர்லாந்து மற்றும் மலேசியா பிரதிநிதிகளுடன் டோரஸில் இருந்து கிளம்பியது.

டோரஸில் இருந்து கிளம்பிய ரயில் டோனட்ஸ்க் ரயில் நிலையத்தில் பல மணிநேரம் நின்றது. அதன் பிறகு அங்கிருந்து கிளம்பிய ரயில் செவ்வாய்க்கிழமை உக்ரைன் அரசின் கட்டுப்பாட்டில் இருக்கும் கார்கிவ்-பாலாஷோவ்ஸ்கி ரயில் நிலையத்தை அடைந்தது.

ரயிலில் வந்த உடல்கள் ஒரு பேக்டரிக்கு எடுத்துச் செல்லப்பட்டு சிறப்பு பெட்டிகளில் போடப்பட்டு அவரவர் நாட்டுக்கு அனுப்பி வைக்கப்பட்டது.

புரட்சிப்படையினர் விமானம் விழுந்த இடத்தில் இருந்த ஆதாரங்களை அழித்துவிட்டதாக உக்ரைன் அரசு குற்றம்சாட்டியுள்ளது.

செவ்வாய்க்கிழமை உக்ரைன் படைக்கும், புரட்சிப்படைக்கும் இடையே சண்டை நடந்தது. புரட்சிப்படையினர் ஒரு பேருந்தில் வைத்த வெடிகுண்டு வெடித்ததில் உக்ரைன் ராணுவத்தைச் சேர்ந்த 13 பேர் பலியாகினர். மேலும் புரட்சிப்படையினர் தங்கள் பிடியில் உள்ள லுஹான்ஸ்க் நகரில் நடத்திய தாக்குதலில் 5 பொது மக்கள் பலியாகினர், 16 பேர் காயம் அடைந்தனர்.