ஃபேஸ்புக்கில் அதிக ஃபாலோயர்களை கொண்ட "லவ்லி" பிரபலம் யார் தெரியுமா?
நியூயார்க்: கொலம்பியாவைச் சேர்ந்த பாடகி ஷகீராவுக்கு ஃபேஸ்புக்கில் 10 கோடி ஃபாலோயர்கள் உள்ளனர். இதன் மூலம் ஃபேஸ்புக்கில் மிகவும் பிரபலமானவர் என்ற பெருமையை ஷகீரா பெற்றுள்ளார்.
கொலம்பியாவைச் சேர்ந்தவர் பிரபல பாடகி ஷகீரா(37). ஒரு ஆண் குழந்தைக்கு தாயான போதிலும் இன்னும் சிக்கென்று உள்ள அவரை ஏராளமான ரசிகர்களுக்கு பிடிக்கும். பிற பிரபலங்களை போன்று ஷகீராவும் ஃபேஸ்புக்கில் உள்ளார்.
செய்தியே அவர் ஃபேஸ்புக்கில் இருப்பதை பற்றி தான்.
10 கோடி
ஃபேஸ்புக்கில் ஷகீராவை ஃபாலோ செய்பவர்களின் எண்ணிக்கை 10 கோடியை தொட்டுள்ளது. அதற்கு என்ன என்று நினைக்கிறீர்களா?
சாதனை
ஃபேஸ்புக்கில் 10 கோடி ஃபாலோயர்களை பெற்ற முதல் பிரபலம் ஷகீரா தான் என்பது குறிப்பிடத்தக்கது.
ஷகீரா
ஃபேஸ்புக்கில் இந்த புதிய சாதனையை படைத்ததில் மகிழ்ச்சியாக உள்ளது. ரசிகர்களுக்கும் எங்களுக்கும் இடையேயான இடைவெளியை சமூக வலைதளங்கள் அதிலும் குறிப்பாக ஃபேஸ்புக் குறைக்க உதவுகிறது என்று ஷகீரா தெரிவித்துள்ளார்.
வாழ்த்துக்கள்
ஃபேஸ்புக்கில் 10 கோடி ஃபாலோயர்களை பெற்றுள்ள ஷகீராவுக்கு ஃபேஸ்புக் நிறுவனர் மார்க் ஜக்கர்பர்க் வாழ்த்து தெரிவித்துள்ளார்.
வீடியோ
ரசிகர்களுக்கு நன்றி தெரிவிக்கும் வகையில் ஷகீரா தனது ஃபேஸ்புக் பக்கத்தில் வீடியோ ஒன்றை வெளியிட்டுள்ளார். அந்த வீடியோவில் தான் கர்ப்பமாக இருந்தபோது எடுத்த புகைப்படம், தனது மகன் மிலனின் புகைப்படம் ஆகியவற்றை இணைத்துள்ளார்.