ஃபேஸ்புக்கில் அதிக ஃபாலோயர்களை கொண்ட "லவ்லி" பிரபலம் யார் தெரியுமா?

ஃபேஸ்புக்கில் ஷகீராவை ஃபாலோ செய்பவர்களின் எண்ணிக்கை 10 கோடியை தொட்டுள்ளது. அதற்கு என்ன என்று நினைக்கிறீர்களா?

ஃபேஸ்புக்கில் 10 கோடி ஃபாலோயர்களை பெற்ற முதல் பிரபலம் ஷகீரா தான் என்பது குறிப்பிடத்தக்கது.

ஃபேஸ்புக்கில் இந்த புதிய சாதனையை படைத்ததில் மகிழ்ச்சியாக உள்ளது. ரசிகர்களுக்கும் எங்களுக்கும் இடையேயான இடைவெளியை சமூக வலைதளங்கள் அதிலும் குறிப்பாக ஃபேஸ்புக் குறைக்க உதவுகிறது என்று ஷகீரா தெரிவித்துள்ளார்.

ஃபேஸ்புக்கில் 10 கோடி ஃபாலோயர்களை பெற்றுள்ள ஷகீராவுக்கு ஃபேஸ்புக் நிறுவனர் மார்க் ஜக்கர்பர்க் வாழ்த்து தெரிவித்துள்ளார்.

ரசிகர்களுக்கு நன்றி தெரிவிக்கும் வகையில் ஷகீரா தனது ஃபேஸ்புக் பக்கத்தில் வீடியோ ஒன்றை வெளியிட்டுள்ளார். அந்த வீடியோவில் தான் கர்ப்பமாக இருந்தபோது எடுத்த புகைப்படம், தனது மகன் மிலனின் புகைப்படம் ஆகியவற்றை இணைத்துள்ளார்.