Click it and Unblock the Notifications
Don't Miss
-
ஹர்திக் பாண்டியாவுக்கு அடுத்த அடி.. கடும் அதிருப்தியில் மும்பை இந்தியன்ஸ் அணியின் அனுபவ வீரர் -
ஓட்டு போட வந்த பிரபலங்கள் எந்த கார்களில் வந்தார்கள் தெரியுமா? பாதிபேர் ஒரே மாதிரி கார்ல வந்திருக்காங்க! -
விப்ரோ லாபத்தில் 8% வீழ்ச்சி.. ஷாக் கொடுத்த மார்ச் காலாண்டு முடிவுகள்..!! -
மீண்டும் தள்ளிப்போன அரண்மனை 4.. விஷாலின் அந்த குற்றச்சாட்டு தான் காரணமா?.. இப்படி ஆகிடுச்சே! -
வெயில் காலத்தில் உங்க சிறுநீரகம் பாதுகாப்பா இருக்க தினமும் எத்தனை கிளாஸ் தண்ணீர் குடிக்கணும் தெரியுமா? -
ஏப்ரல் 24 உறுதி.. ரூ.12000 போதும்.. 45W சார்ஜிங்.. 256ஜிபி மெமரி.. Flat டிஸ்பிளே.. எந்த போன்? -
இங்க போறது கொஞ்ச கஷ்டம் தான் – ஆனா வொர்த்! அப்படி ஒரு இயற்கை அழகுகுங்க -
பிளஸ்-2 படித்திருந்தால் போதும்...மத்தியஅரசு வேலை தயார்..!!
மாடல் பொம்மையா? மனிதனா?... துணிக்கடையில் இவரைப் பார்த்து குழம்பாதவர்களே இல்லை!
வாஷிங்டன்: பெண்களுடன் துணியெடுக்க கடைக்குச் செல்லும் கணவன்கள் குறித்து நம்மூரில் பரவலாக பல ஜோக்குகள் சொல்லப் படுவதுண்டு. ஆனால், அமெரிக்காவில் தன் மனைவியுடன் துணியெடுக்கச் சென்ற போது பொழுதுபோக்கிற்காக ஒரு கணவர் செய்த செயல் தற்போது அவரது தொழிலாகவே மாறி விட்டது.
அமெரிக்காவின் அன்றாட நாட்டு நடப்புகளை இணையத்தில் கிண்டலடித்துக் கொண்டிருந்த அந்தக் கணவர் தற்போது வித்தியாசமான துறையில் பணம் சம்பாதித்துக் கொண்டிருக்கிறார்.
அப்படி அவர் என்ன செய்தார் எனக் கேட்கிறீர்களா...? இதோ மேற்கொண்டு படியுங்கள்....
ஷாப்பிங்....
இணையதளத்தில் தனது நகைச்சுவையான எழுத்துக்கள் மூலம் பிரபலமானவர் ஸ்டீவ் வெனகெஸ் என்ற பத்திரிக்கையாளர். இவர் ஒருநாள் தனது மனைவியுடன் துணிக்கடை ஒன்றிற்கு ஷாப்பிங் சென்றுள்ளார்..
அட என்னைய மாதிரியே...
ஸ்டீவின் மனைவி நீண்டநேரமாக ஆடையைத் தேர்வு செய்து கொண்டிருக்க மாடல் பொம்மை அருகே அமர்ந்திருந்த ஸ்டீவ், அப்போது தான் கவனித்திருக்கிறார் மாடல் பொம்மை தன்னைப் போன்ற உடல் அமைப்பில் இருப்பதை.
ஷாக்...
உடனடியாக, மனைவிக்கு வேடிக்கைக் காட்ட நினைத்தவர் மாடல் பொம்மை அணிந்திருந்தது போன்ற உடையை தானும் அணிந்து அப்பொம்மையின் அருகே சென்று நின்றுள்ளார். டிரையல் ரூமை விட்டு வெளியே வந்த மனைவி அப்படியே ஷாக் ஆகிவிட்டாராம்.
ஸ்மைல் ப்ளீஸ்...
மாடல் பொம்மையின் அருகே அதைப்போலவே உடையணிந்து நிற்கும் ஸ்டீவைப் பார்த்த கடையிலிருந்த பொதுமக்கள் ஆர்வமாக அதனை புகைப்படம் எடுத்துள்ளனர். இது ஸ்டீவை மேலும் குஷியாக்கி விட்டது.
வேடிக்கையே வாடிக்கை...
அதிலிருந்து எந்தக் கடைக்குச் சென்றால் அங்கிருக்கும் மாடல் பொம்மையைப் போன்றே உடை அணிந்து அதன் அருகே நின்று புகைப்படம் எடுத்துக் கொள்வதை வாடிக்கையாக்கி விட்டார் ஸ்டீவ்.
தனி வலைப்பக்கம்...
மேலும், தான் அவ்வாறு எடுக்கும் வித்தியாசமான புகைப்படங்களைப் போடுவதற்கென்றே தனி வலைப்பக்கம் ஒன்றையும் தொடங்கி விட்டார்.
பிசினஸ்....
ஸ்டீவின் இந்த முயற்சிக்கு கிடைத்த வரவேற்பைப் பார்த்த சில ஜவுளிக் கடைக்காரர்கள் அவரை நடமாடும் மாடல் பொம்மையாக்கி விட்டார்கள். ஆம், தினமும் சில மணி நேரங்கள் மாடல் பொம்மையின் அருகில் வந்து நின்று செல்ல ஸ்டீவிற்கு அவர்கள் சம்பளம் கொடுக்கிறார்கள்.
