துபாயில் வேவ் அமைப்பின் 7வது ஆண்டு விழா: சுஹாசினி பங்கேற்பு, சாதனாவுக்கு பாராட்டு
துபாய்: துபாயில் கடந்த மே மாதம் 6ம் தேதி வேவ் ரிசொனன்ஸ் இவென்ட்ஸ் (WAVE) அமைப்பின் ஏழாம் ஆண்டு துவக்க விழா துபாய் பெண்கள் அமைப்பு நிறுவன வளாகத்தில் வெகு விமர்சையாக சிறப்புடன் நடைபெற்றது.
முக்கிய சிறப்பு விருந்தினரான இயக்குனர் மற்றும் நடிகை திருமதி. சுஹாசினி மணிரத்னம் அவர்கள் கலந்துகொண்டு விழாவினை குத்துவிளக்கேற்றி துவக்கி வைத்தார்.
பெண்கள், சிறுமிகள் மற்றும் சிறுவர்கள் பங்குபெற்ற ஆடல், பாடல் மற்றும் பல்சுவை நிகழ்சிகளும், விழாவில் முக்கிய நிகழ்வாக "ஸ்ரீனிவாச திருக்கல்யாணம்" நடனமும் நடந்தேறியது. இந்நிகழ்ச்சியை மா டிவி புகழ் திரு.சசி அவர்கள் தொகுத்து வழங்கினார். தங்கமீன்கள் புகழ் சிறுமி சாதனாவை பாராட்டி நினைவுப் பரிசு வழங்கப்பட்டது.
நிகழ்ச்சியின் முடிவில் நடனம், பாட்டு மற்றும் நாடகங்களில் பங்குபெற்ற அனைவர்களையும் பாராட்டி நினைவுப் பரிசுகள் வழங்கப்பட்டன. நிகழ்ச்சியில் கலந்து கொண்ட அனைவருக்கும் அறுசுவை இரவு விருந்து மற்றும் குளிர்பானங்களும் வழங்கப்பட்டது. மாலை முதல் நள்ளிரவு வரை நிகழ்ச்சி வெகு சிறப்புடன் நடைபெற்றது.
வேவ் ரிசொனன்ஸ் இவென்ட்ஸ் அமைப்பின் நிறுவனரும் தலைவருமான திருமதி. கீதா ரமேஷ் அவர்களும், ஒருங்கிணைப்பாளர் திரு. ரமேஷ் பாபு அவர்களும் நிகழ்ச்சியில் பங்கேற்ற அனைவர்களுக்கும், அமைப்பினர்களுக்கும், உறுப்பினர்களுக்கும் வாழ்த்துக்களை தெரிவித்துக் கொண்டனர்.