எம்.பிக்களை சிறை பிடியுங்கள்.. போராட்டக்காரர்களுக்கு பாக். மத குரு உத்தரவு!

இன்று மாலைக்குள் ஷெரீப் விலக வேண்டும் என்று இவர்கள் கெடு விதித்துள்ளனர். அப்படி இல்லாவிட்டால் ஷெரீப் வீட்டை முற்றுகையிடப் போவதாகவும் இவர்கள் எச்சரித்துள்ளனர்.

நாடாளுமன்றம் உள்ளிட்ட முக்கியக் கட்டடங்கள் அமைந்துள்ள பகுதியில் கிட்டத்தட்ட 30,000 பேருடன் இவர்கள் போராட்டம் நடத்தி வருகின்றனர்.

சுதந்திரப் பேரணி என்ற பெயரில் நடந்து வரும் இந்தப் போராட்டத்தில் ஏராளமான பெண்களையும், குழந்தைகளையும் முன்வரிசையில் நிறுத்தி போராடி வருகின்றனர். இதனால் போலீஸாரும், ராணுவத்தினரும் நடவடிக்கை எடுக்க முடியாமல் போயுள்ளது.

இந்த நிலையில் இன்று தனது ஆதரவாளர்களிடையே பேசிய குவாத்ரி, உள்ளே இருந்து யாரும் வெளியேறக் கூடாது. வெளியே இருந்து யாரும் போகக் கூடாது. ஒரு கொசு கூட நாடாளுமன்றத்தை விட்டு வெளியேற விடாதீர்கள்.

இதற்கிடையே, பிரச்சினையை இரு தரப்பும் பேசித் தீர்க்குமாறு பிரதமர் ஷெரீப்பையும், இம்ரான் கானையும் இங்கிலாந்து அரசு கேட்டுக் கொண்டுள்ளது