பிடல் காஸ்ட்ரோவுடன் சீன அதிபர் ஜீ ஜின்பிங் சந்திப்பு!

By Mathi

Updated: Friday, July 25, 2014, 19:12 [IST]

ஹவானா: கியூபாவின் பெருந்தலைவர் பிடல் காஸ்ட்ரோவை சீனா ஜனாதிபதி ஜீ ஜின்பிங் சந்தித்துப் பேசினார்.

கியூபாவின் முன்னாள் அதிபர் பிடல் காஸ்ட்ரோ தீவிர அரசியலில் இருந்து ஓய்வு பெற்றுள்ளார். அண்மையில் பிரிக்ஸ் மாநாட்டில் பங்கேற்கச் சென்றிருந்த சீனா அதிபர் லத்தீன் அமெரிக்க மற்றும் கரீபிய நாடுகளில் மேற்கொண்டுள்ள சுற்றுப்பயணத்தின் போது பிடல் காஸ்ட்ரோவைச் சந்தித்தார்.

அப்போது சீனத் தலைவர்களுடன் தனது நட்பை காஸ்ட்ரோ நினைவு கூர்ந்தார். சீனாவின் வளர்ச்சி வியக்கத்தக்கதாக உள்ளது என்றும் பிடல் காஸ்ட்ரோ கூறியுள்ளார்.

காஸ்ட்ரோவை புகழ்ந்த ஜீ ஜின் பிங், சீன மக்களின் போற்றுதலுக்குரிய தலைவராகவும் திகழ்கிறீர்கள் என்று கூறினார். இரு கம்யூனிஸ நாட்டு தலைவர்களின் சந்திப்பு வரலாற்று சிறப்புமிக்க ஒன்றாக கருதப்படுகிறது.