Click it and Unblock the Notifications
மெக்கல்லம் 302
நியூசிலாந்து கேப்டன் மெக்கல்லம் மிக மிக அபாரமாக ஆடி அசத்தி விட்டார். மகா பொறுமையாகவும், தோல்வி அடைந்து விடக் கூடாது என்ற எச்சரிக்கையுடனும் ஆடிய அவர் 302 ரன்களைக் குவித்து விட்டார். கூடவே வால்டிங்கும் தன் பங்குக்கு 124 ரன்களைக் குவித்தார்.
புதுமுக வீரரின் முதல் சதம்
அதேபோல புதுமுக வீரர் ஜேம்ஸ் நீஷம் 137 ரன்களைக் குவித்து கடைசி வரை ஆட்டமிழக்காமல் இருந்ததால் நியூசிலாந்து அணி தனது 2வது இன்னிங்ஸில் 8 விக்கெட் இழப்புக்கு 680 ரன்களைக் குவித்து விட்டது.
சுத்தமாக பறிபோன சான்ஸ்
இதையடுத்து 435 ரன் எடுத்தால் வெற்றி என்ற கஷ்டமான இலக்கு இந்தியாவுக்கு வந்து சேர்ந்தது. ஆனால் கடைசி நாளில், அதுவும் சில மணி நேரங்களில் இதை எப்படி எடுப்பது.. எனவே இந்தியாவிடமிருந்து வெ்ற்றி வாய்ப்பு முற்றிலும் நழுவிப் போய் விட்டது.
3 விக்கெட் இழப்புக்கு 166 ரன்கள் எடுத்தபோது
இந்தியா தனது 2வது இன்னிங்ஸில் 3 விக்கெட் இழப்புக்கு 166 ரன்களை எடுத்திருந்தபோது இரு அணி கேப்டன்களும் போட்டியை டிரா செய்ய முடிவெடுத்தனர்.
விராத் கோஹ்லி 105
இரண்டாவது இன்னிங்ஸில் விராத் கோஹ்லி 105 ரன்களை எடுத்து ஆட்டமிழக்காமல் இருந்தார். இது அவருக்கு 6வது டெஸ்ட் சதமாகும். ரோஹித் சர்மா 31 ரன்களுடன் களத்தில் இருந்தார்.
ஒரு வெற்றி கூட இல்லை
நியூசிலாந்து தொடர் மொத்தத்தில் இந்தியாவுக்கு மோசமான டூராக அமைந்து விட்டது. ஒரு வெற்றியைக் கூட இந்தத் தொடரில் இந்தியா பார்க்கவி்ல்லை. ஒரு நாள் போட்டியிலும் எதிலும் வெல்லவில்லை. டெஸ்ட்டிலும் வெல்லவில்லை.
