ராஜபக்சேவுடன் சு.சுவாமி தலைமையிலான பாஜக குழு திடீர் சந்திப்பு!

அக்குழுவில் சேஷாத்ரி சாரி, பாரதிய ஜனதாவின் வெளியுறவு கொள்கை செயலாளர் சுரேஷ் பிரபு, முன்னாள் மத்திய அமைச்சர் ஸ்வபன் தாஸ்குப்தா, மாதவன் நலாபாத் ஆகியோரும் இடம்பெற்றிருந்தனர்.

பாரதிய ஜனதாவின் இந்த குழுவினர் இலங்கை வெளியுறவுத் துறை அமைச்சர் ஜி.எல். பீரிஸ், அந்நாட்டு அதிபர் ராஜபக்சேவின் ஆலோசகர் சனிமல் பெர்னாண்டோ ஆகியோரை நேரில் சந்தித்து ஆலோசனை நடத்தினர்.

பின்னர் ராஜபக்சேவையும் சுப்பிரமணியன் சுவாமி குழு சந்தித்து பேசியது. அப்போது இலங்கையுடன் நல்லுறவை மேற்கொள்ளவே இந்திய பிரதமர் நரேந்திர மோடி விரும்புகிறார் என்று ராஜபக்சேவிடம் சுப்பிரமணியன் சுவாமி கூறியிருக்கிறார்.

இலங்கையின் வடக்கு மற்றும் கிழக்கு பகுதியில் உளள தமிழர்களுக்கு தேவையான கட்டமைப்பு வசதிகளையும், மாணவர்களுக்கு தேவையான கல்வி வாய்ப்புகளை ஏற்படுத்த வேண்டும் என்றும் மும்மொழி தேசிய திட்டங்களை செயல்படுத்த வேண்டும் என்றும் சுவாமி குழு வலியுறுத்தியது.

அதே நேரத்தில் இந்தியாவில் கடல் மற்றும் சுற்றுச்சூழல் ஆய்வுகள் சிறப்பு மையம் அமைக்க விரும்புவதாக ராஜபக்சே, சு.சுவாமி குழுவிடம் கூறியுள்ளார்.

இந்த பயணத்தை சுப்பிரமணியன் சுவாமி தனிப்பட்ட முறையில் ஏற்பாடு செய்தாரா? அல்லது பாஜக தலைமையே இக்குழுவை அனுப்பி வைத்ததா? அல்லது மத்திய அரசு அனுப்பி வைத்ததா? என்பது குறித்து உறுதியான தகவல்கள் இல்லை.