'பிரிட்ஜ் ஆன் த ரிவர் க்வாய்': பாலத்தை மீண்டும் கட்டுகிறது இலங்கை!

இரண்டாம் உலகப் போரின் போது ஜப்பான் கை ஓங்கி இருந்த நிலையில் பர்மாவுக்கும் தாய்லாந்துக்கும் இடையே ரயில் பாதை அமைக்க முடிவு செய்யப்பட்டது.

இந்த ரயில் பாதையை கட்டமைக்க பிரிட்டிஷ் போர் கைதிகள் நிர்பந்திக்கப்பட்டனர். குறிப்பாக பல்லாயிரக்கணக்கான தமிழர்களை பலி கொண்டதுதான் இந்த மரண ரயில் பாதை.

இதை மையமாக வைத்து 1957ஆம் ஆண்டு பிரிட்ஜ் ஆன் த ரிவர் க்வாய் என்ற பெயரில் ஆங்கிலத்தில் படமெடுக்கப்பட்டது.

இப்படம் 2 ஆண்டுகாலம் இலங்கையில் படமாக்கப்பட்டது. அத்திரைப்படத்தில் இடம் பெறும் பாலம் கடைசியில் குண்டு வைத்து தகர்க்கப்பட்டது. இத்திரைப்படத்துக்கு ஆஸ்கார் விருதும் கிடைத்தது.

இலங்கையின் கேகாலை மாவட்டம், கித்துல்கலையில் 'பிரிட்ஜ் ஆன் த ரிவர் க்வாய்' படம் இங்குதான் படமாக்கப்பட்டது என்ற அறிவிப்புப் பலகை இருக்கிறது.

தற்போது இந்த பாலத்தை மீண்டும் கட்டுவது என்று இலங்கை அரசு முடிவு செய்துள்ளது.

'பிரிட்ஜ் ஆன் த ரிவர் க்வாய் படத்தில் காட்டப்பட்டது போலவே பாலத்தை மீண்டும் கட்டுவதற்கு இலங்கை அரசு முடிவு செய்துள்ளது. 2 ஆண்டுகாலத்தில் இந்த பாலத்தைக் கட்டி முடிப்போம் என்று இலங்கை மின்சார வாரிய தலைமை அதிகாரி கமல் லக்சிறீ கூறியுள்ளார்.