தொடரும் இலங்கை அட்டூழியம்! மீண்டும் 15 தமிழக மீனவர்கள் கைது!!

கடந்த 38 நாட்களாக வேலை நிறுத்தத்தை அவர்கள் நடத்தியபோதும், விசைப்படகுகள் விடுவிக்கப்படுவதற்கான எந்தவித நடவடிக்கையும் எடுக்கப்பட வில்லை.

இதனை தொடர்ந்து மீனவர்களின் வாழ்வாதாரத்தை கருத்தில் கொண்டு செப்டம்பர் 1ந் தேதி முதல் மீண்டும் மீன்பிடிக்க செல்வது என மீனவர்கள் சங்க கூட்டத்தில் முடிவு செய்யப்பட்டது. அதன்படி நேற்று ராமேசுவரத்தில் இருந்து 500-க்கும் மேற்பட்ட விசைப்படகுகளில் மீனவர்கள் கடலுக்கு சென்றனர்.

அவர்கள் நடுக்கடலில் மீன்பிடித்துக் கொண்டிருந்த போது காற்றின் வேகம் பலமாக இருந்தது. இதில் 478 ஆம் எண் கொண்ட படகு எதிர்பாராதவிதமாக கவிழ்ந்து விட்டது. அதிலிருந்த 4 மீனவர்கள் கடலில் விழுந்து தத்தளித்தனர். இதனை 544ஆம் எண் கொண்ட படகில் இருந்தவர்கள் பார்த்து அவர்களை காப்பாற்றினர்.

பின்னர் அந்த படகில் 9 மீனவர்களும் கரை திரும்பி கொண்டிருந்தபோது, இலங்கை கடற்படையினர் அங்கு வந்து அவர்களை சிறைபிடித்தனர். படகுடன் சிறைபிடிக்கப்பட்ட 9 மீனவர்களையும் அவர்கள் நெடுந்தீவுக்கு கொண்டு சென்று சிறையில் அ டைத்தனர்

இதனிடையே தனுஷ்கோடி-நெடுந்தீவு இடையே கடலில் படகு கவிழ்ந்ததால் நடுக்கடலில் தத்தளித்த மேலும் 6 மீனவர்களையும் இலங்கை கடற்படை சிறைபிடித்துச் சென்றுள்ளது.

38 நாட்கள் போராட்டத்துக்குப் பின்னர் தொழிலுக்குப் போன நிலையில் மேலும் 15 மீனவர்களை சிங்கள கடற்படை செய்து இருப்பது தமிழக மீனவர்களை கடும் அதிர்ச்சியில் உறைய வைத்திருக்கிறது.