அதிமுகவுக்கு லோக்சபா துணை சபாநாயகர் பதவி- ஏற்பது குறித்து ஜெ. தீவிர ஆலோசனை!

இதை அதிமுக பொதுச்செயலரும் தமிழக முதல்வருமான ஜெயலலிதாவிடம் தேசிய ஜனநாயகக் கூட்டணி தலைவர்கள் தெரிவித்துள்ளனர். அப்படி அதிமுகவுக்கு துணை சபாநாயகர் பதவி கொடுப்பதன் மூலம் லோக்சபாவில் எதிர்க்கட்சிகளை பிரிக்க முடியும் என்பதுடன் அதிமுகவுடன் இணக்கமான உறவை தொடர முடியும் என்பது பாஜகவின் கணக்கு.

ஆனால் உடனே இதற்கு ஜெயலலிதா பதிலளிக்காமல் ஆலோசித்து முடிவு சொல்வதாக கூறியுள்ளார்.

அப்படி லோக்சபா துணை சபாநாயகர் பொறுப்பை ஏற்பது என்று அதிமுக முடிவு செய்தால் தம்பிதுரையைத்தான் ஜெயலைதா பரிந்துரைக்க கூடும்.

ஆனால் தம்பிதுரை துணை சபாநாயகரானால் அதிமுகவின் கருத்துகளை லோக்சபாவில் வலுவாக முன்வைக்கக் கூடிய தலைவரை அதிமுக இழந்துவிடும். இதனால் திருவள்ளூர் வேணுகோபால் அல்லது திருச்சி குமார் ஆகியோரில் ஒருவரை துணை சபாநாயகர் பதவிக்கு ஜெயலலிதா பரிந்துரைக்கலாம்.

ஆனால் லோக்சபா துணை சபாநாயகர் பதவியை ஏற்பதால் அரசியல் ரீதியான சாதக பாதக அம்சங்களை ஆராய்ந்த பின்னரே இறுதி முடிவை பாஜக மேலிடத்துக்கு ஜெயலலிதா தெரிவிப்பார் என்றும் கூறப்படுகிறது.