மாட்டுக்கறி எனக்கு மிகப் பிடிக்கும்... ஆனா இப்போ வெறும் சைவம்தான்! - ஸ்ருதி ஹாஸன்

அசைவ உணவுகளை விரும்பிச் சாப்பிட்டு வந்த ஸ்ருதி ஹாஸன், சில தினங்களாக சுத்த சைவத்துக்கு மாறிவிட்டாராம்.

இதுகுறித்து அவர் கூறுகையில், "அசைவ உணவுகள் எனக்கு பிடித்தவைகளாக இருந்தன. மாட்டுக்கறி மிகவும் பிடிக்கும். ஜப்பான், துருக்கி உணவு வகைகளையும் விரும்பி சாப்பிடுவேன். ஆனால் இப்போது அவற்றை நிறுத்தி விட்டேன்.

எனது தந்தை கமல்தான் சைவ உணவுகளை சாப்பிடும்படி வற்புறுத்தினார். சைவ உணவு ஆரோக்கியத்துக்கு நல்லது என்றும் குறிப்பிட்டார்.

இதையடுத்து அசைவம் சாப்பிடுவதை நிறுத்தி விட்டேன். இப்போது முழுமையாக சைவத்துக்கு மாறிவிட்டேன்," என்றார்.