திமுகவுக்காக சட்டசபையில் ஒரே அணியாக குரல் கொடுக்கும் 6 கட்சிகள்.. தேர்தல் கூட்டணிக்கு அச்சாரம்?

அதன் பின்னர் தொடர்ந்து திமுக எம்.எல்.ஏக்கள் குரல் எழுப்பும் போது அவர்களுக்கு ஆதரவாக 6 கட்சி எம்.எல்.ஏக்களும் பேசுவது என்ற போக்கு நீடித்து வந்தது. திமுகவினர் தனியே வெளிநடப்பு செய்ய அவர்களைப் பின் தொடர்ந்து இதர கட்சிகள் வெளிநடப்பு செய்வதும் வழக்கமாக இருந்தது.

திமுக எம்.எல்.ஏக்கள் அனைவரும் கூட்டத் தொடர் முழுவதும் சஸ்பென்ட் செய்யப்பட்டனர். அப்போது அவர்களுக்காக இந்த 6 கட்சி எம்.எல்.ஏக்களும் ஒருங்கிணைந்து குரல் கொடுத்து வெளிநடப்பும் செய்தனர்.

இப்படி திமுக தலைமையில் 6 கட்சிகளும் ஒருங்கிணைந்து சட்டசபையில் செயல்படுவது என்பதே சட்டசபை தேர்தலுக்கான கூட்டணிக்கு முன்னோட்டம்தான் என்றும் கூறப்படுகிறது.

பாரதிய ஜனதா அணியில் தேமுதிக இடம்பெற்ற போதும் ராஜ்யசபா எம்.பி அல்லது மத்திய அமைச்சர் பதவி கிடைக்கும் என்று மிகவும் எதிர்பார்ப்புடன் இருந்தது. ஆனால் அதற்கான சாத்தியமே இல்லை என்று தெளிவாகிவிட்டது.

இடதுசாரிகளைப் பொறுத்தவரையில் பாஜகவுடன் இணக்கத்தை விரும்புகிற அதிமுகவுடன் இணைந்து தேர்தலை சந்திக்க முடியாது என்ற நிலைதான் உள்ளது.

காங்கிரஸ் கட்சியும் எப்படியாவது திமுகவுடன் கூட்டணி அமைந்துவிடாதா என்ற எதிர்பார்ப்பில் ஏக்கத்துடன்தான் இருக்கிறது. புதிய தமிழகம் மற்றும் மனித நேய மக்கள் கட்சி ஆகியவை தற்போதும் திமுக அணியில்தான் இருக்கிறது.

இந்த கட்சிகள் அனைத்தும் திமுக தலைமையில்தான் சட்டசபை தேர்தலை சந்தித்தாக வேண்டிய யதார்த்த நிலைமை இப்போது இருக்கிறது. இதனால்தான் சட்டசபையில் கரம் கோர்த்து செயல்பட்டு எதிர்கால கூட்டணிக்கு அச்சாரம் போடுகின்றனர் என்கின்றனர் அரசியல் பார்வையாளர்கள்.

அப்படி திமுக தலைமையில் மெகா கூட்டணி அமைந்தால் அதிமுகவுக்கு நெருக்கடி அதிகரிக்கும்; இதனால் கட்சிகளை உடைப்பதற்கான நடவடிக்கைகளை அக்கட்சி மும்முரமாக்கும் என்றும் கூறப்படுகிறது.