சீக்கிரமே திமுக சந்தி சிரிக்கும்.. மு.க.அழகிரி சாபம்!

இதுகுறித்து அவர் கூறுகையில், முன்னாள் அமைச்சர் முல்லைவேந்தன் கட்சியில் இருந்து நீக்கப்பட்டுள்ளார். ஆனால் முல்லைவேந்தன் என்ன கருத்தை சொன்னாரோ, அதே கருத்தைத்தான் கே.பி.ராமலிங்கம் எம்.பி.யும், கூறியிருந்தார்.

தி.மு.க. கரை வேட்டியை கட்டிக்கொண்டு தான் கே.பி.ராமலிங்கம் பேட்டியளித்தார். ஆனால் முல்லைவேந்தனை நீக்கிய கட்சி தலைமை கே.பி.ராமலிங்கத்தை நீக்கவில்லை.

அவர் ராஜ்ய சபா எம்.பி.யாக இருப்பதால் அவரை நீக்க பயப்படுகின்றனர். இதனால் தி.மு.க. தொண்டர்கள் மத்தியில் குழப்பம் ஏற்பட்டுள்ளது.

கட்சியில் எடுக்கப்படும் இத்தகைய நடவடிக்கைகள் மேலும், மேலும் குழப்பத்தைத்தான் ஏற்படுத்துமே தவிர சிக்கலை தீர்க்க உதவாது.

தி.மு.க.வில் இன்னும் நிறைய நடக்கின்றன. அவை வெளியில் வரும்போது சந்தி சிரிக்கும். அது கூடிய விரைவில் நடக்கும் என்றார் அழகிரி.

கே.பி.ராமலிங்கம் அழகிரியின் ஆதரவாளர் என்பது குறிப்பிடத்தக்கது.