காவிரிப் பிரச்சினை: முதல்ல என்கிட்ட பேசி ஜெயிங்க... ஜெ.வுக்கு துரைமுருகன் பகிரங்க சவால்

காவிரி விவகாரத்தில் திமுக துரோகம் செய்துவிட்டதாக முதல்வர் ஜெயலலிதா குற்றம் சாட்டுவது தவறு. காவிரி நீர் கிடைக்காமல் போனதற்கு அதிமுக தான் காரணம்.

முதல்வர் ஜெயலலிதா தலைவர் கருணாநிதியை வாதம் செய்ய அழைத்துள்ளார். ஆனால் , முதல்வர் ஜெயலலிதா முதலில் என்னோடு வாதம் செய்யலாம்.

அது தனக்கு கவுரக் குறைச்சல் என கருதினால், அவரது சட்ட சபையில் உள்ள பொதுப்பணித்துறை அமைச்சரை வாதம் செய்ய அனுப்பிவைக்கலாம்.

ஆனால், அவர்கள் வாதம் செய்ய சட்ட சபையிலோ அல்லது மற்ற இடத்திலோ வரும் போது, கையில் பேப்பர்கள் கொண்டு வரக் கூடாது, குறிப்பாக சட்ட சபையில் அவர்கள் கட்சி உறுப்பினர்கள் இடைமறிக்க கூடாது.எங்கள் கட்சி உறுப்பினர்களும் அதே போல் நடந்து கொள்வார்கள்.

எனவே, வாதம், விவாதத்தை எப்போது, எங்கு வைத்துக் கொள்ளலாம் என முடிவு செய்ய வேண்டியது முதல்வர் ஜெயலலிதா தான்' என இவ்வாறு அவர் தெரிவித்தார்.

பொதுப் பணித்துறை அமைச்சராக பல காலம் பணியாற்றியவர் துரைமுருகன். காவிரிப் பிரச்சினை முதல் பாலாறு, முல்லைப் பெரியாறு உள்ளிட்ட தமிழகத்தின் நதி நீர்ப் பிரச்சினைகள் குறித்த முழு விவரத்தையும், புள்ளி விவரங்களையும் விரல் நுனியில் வைததிருப்பவர் துரைமுருகன் என்பது குறிப்பிடத்தக்கது.