2 நிமிஷம் பேச முடியுமா.. ஸாரிங்க நான் "ஹனிமூன் டிரிப்"ல இருக்கேனே.. பரவாயில்லை சார்..!

அழைத்தவர் - Good evening sir. This is...... ஐஷு ஐஷு பேங்க்ல இருந்து பேசுறேன் சார்.. ஒரு 2 நிமிஷம் உங்க கிட்ட பேசலாமா சார்?

கேட்டவர் - ஸாரிங்க.. நான் அவுட் ஆப் ஸ்டேஷன்.. ஒரு பெர்சனல் டிரிப்.. பேச நேரமில்லையே...

அழைத்தவர் - ஸாரி சார்.. இருந்தாலும் இரண்டே இரண்டு நிமிஷம்தான்.. !

கேட்டவர் - அதுல பிரச்சினை இல்லை.. ஆனா பாருங்க நான் இப்ப ஹனிமூன் டிரிப்ல இருக்கேனே.. என்ன பண்ணலாம்...?

அழைத்தவர் - ஓ அப்டியா சார்.. வெரி ஸாரி டு டிஸ்டர்ப் யூ சார்.. உங்க மிஸஸ் கிட்டயும் ஸாரி சொல்லிக்கிறேன் சார்.. பட், 2 நிமிஷம் போதும் சார் எனக்கு.. ஸ்கீ்மை மட்டும் சொல்லிடறேன். கேட்டுக்கங்க சார்.. முடிவை அப்புறம் கூட சொல்லுங்க சார்.. ஃப்ரீ ஆனப்புறம்.

கேட்டவர் - நான் எப்ப ஃப்ரீ ஆவேன்னு எனக்கே தெரியலையேங்க.. டைட் ஷெட்யூல்ல இருக்கேனே.. பேசவே நேரம் இல்லையே....

அழைத்தவர்- புரியுது சார். பட் 2 நிமிஷம் ரிலாக்ஸ் பண்ணிக்க மாட்டீங்களா சார்.. அது மாதிர நினைச்சுப் பேசுங்களேன் சார்..

கேட்டவர் - உங்க பேரு என்ன சொன்னீங்க... யா, அதாவது, நான் இந்த இடத்துக்கு வந்து 2 நாளாகுது.. 5 நாள் பிளான்.. 2 நாள் போனதுக்கே நான் ரொம்ப சோகமாக இருக்கேன். சீக்கிரமே முடிஞ்சிருச்சேன்னு.. இதுல 2 நிமிஷம் உங்களுக்காக ஒதுக்கிறது ரொம்ப டூமச்னு நான் நினைக்கிறேன்..

அழைத்தவர் - ஸாரி சார் நான் உங்களை ரொம்ப டிஸ்டர்ப் பண்ணிட்டேன்னு நினைக்கிறேன்.. நான் வேணும்னா அப்புறம் பண்ணட்டுமா சார்...

கேட்டவர் - எப்புறம்?

அழைத்தவர் - ஒரு ஒன் அவர் கழிச்சுப் பண்ணட்டா சார்...

கேட்டவர் - தாராளமா பண்ணுங்க.. ஆனா நான் போனை சுவிட்ச் ஆப் பண்ணிருப்பேனே என்ன பண்ணுவீங்க...

அழைத்தவர் (இப்போது ரொம்ப சகஜமாக பேச ஆரம்பித்து விட்டார்) - கண்டிப்பா பண்ண மாட்டீங்க சார்.. நீங்க ஜென்டில்மேன் சார்.. இவ்ளோ பொறுமையா பேசறீங்களே.. நிச்சயம் ஸ்விட்ச் ஆப் பண்ண மாட்டீங்க. ஸ்கீமை மட்டும் கேட்டுட்டுங்க போதும் சார்.. அப்புறம் பிடிச்சிருந்தா நீங்களே கால் பண்ணி சொன்னா போதம் சார்.

கேட்டவர் - பாருங்க ..... நீங்க எப்படி உங்க கடமையிலே கண்ணா இருக்கீங்களோ.. அதே போலத்தானே மத்தவங்களும் இருப்பாங்க.. நான் என்ன வேலையா வந்திருக்கேன்னு சொல்லியும் கூட விட மாட்டேங்கிறீங்களா.. இது நியாயமா. பாவம் இல்லையா.. ?

அழைத்தவர் - எஸ் சார். கண்டிப்பா சார்.. புரியுது சார்.. ஓகே சார். உங்க நேரத்தை எனக்காக ரொம்பவே ஒதுக்கிட்டீங்க சார். பரவாயில்லை சார். நான் நாளைக்கு பண்றேன் சார்.. ஹேவ் எ நைஸ் அவுட்டிங் சார்.. ஸாரி ஒன்ஸ் அகெய்ன் சார்... தேங்க் யூ சார்!

நாளைக்கும் போன் வந்தா என்ன பொய் சொல்றதுன்னு தெரியலையே....!