காஞ்சிபுரம் திமுக வேட்பாளர் ஜி. செல்வம்: இளமையை திமுகவுக்காக செலவிட்டவர்
சென்னை: காஞ்சிபுரம் தொகுதியில் திமுக சார்பில் போட்டியிடும் ஜி.செல்வம் வழக்கறிஞராகவும், விவசாயியாகவும் உள்ளார்.
நாடாளுமன்ற தேர்தலில் திமுக சார்பில் காஞ்சிபுரம் தொகுதியில் எம்.காம். எம்.பில், எல்.எல்.பி படித்த ஜி. செல்வம்(40) போட்டியிடுகிறார். வழக்கறிஞராக இருக்கும் அவர் ஒரு விவசாயியும் கூட.
1996ம் ஆண்டில் வாலாஜாபாத் ஒன்றிய முன்னாள் இளைஞர் அணி துணை அமைப்பாளராக தேர்வு செய்யப்பட்டார். 1997ம் ஆண்டு நடந்த கூட்டுறவு சங்க தேர்தலில் போட்டியிட்டு கூட்டுறவு ஊரக வளர்ச்சி வங்கியின் துணை தலைவராக தேர்வு செய்யப்பட்டார். 2008ம் ஆண்டு மாவட்ட இளைஞர் அணி துணை அமைப்பாளராக இருந்தார்.
இதையடுத்து 2012ம் ஆண்டு முதல் மாவட்ட ஆதிதிராவிடர் நலக்குழு அமைப்பாளராக உள்ளார்.
முன்னதாக 2008ம் ஆண்டு திமுக பொருளாளர் மு.க. ஸ்டாலின் தலைமையில் நடந்த திருமண விழாவில் சகீலா என்பவரை மணந்தார். அவர்களுக்கு ஆராதனா, சுருதி என்ற 2 மகள்கள் உள்ளனர்.
செல்வம் தனது தந்தை கணேசனை போன்றே இளம் வயதில் இருந்து திமுகவில் அரசியல் பணிகள் செய்து வருகிறார்.