பில்டர் காபி தெரியும், “லவ்” காபி தெரியுமா? – குடிக்கனும்னா சேலத்துக்கு வாங்க!
சேலம்: சேலத்தில் பில்டர் காபி, இன்ஸ்டண்ட் காபி வரிசையில் புதியதாய் "லவ்" காபியும் இணைந்துள்ளது.
உலகில் ஆல்கஹாலுக்கு அடிமையானவர்களை விட காபிக்கு அடிமையானவர்களின் எண்ணிக்கை மிகவும் ஜாஸ்தி.
காலையில் எழுந்ததும் காபி குடித்தால்தான் வேலையே ஓடும் என்ற நிலையில் இருப்பவர்களெல்லாம் மிகவும் அதிகம்.
காதல் காபி:
அப்படிபட்ட காபி காதலர்களுக்காகவே ஸ்பெஷலாக தயாரிக்கப்பட்டால் எப்படி இருக்கும்? அப்படி ஒரு முயற்சியில்தான் இறங்கியுள்ளனர் சேலத்தில்.
ஜிவ்வுனு ஏறும் காதல் போதை:
கேட்டாலே காதல் போதை ஏற்றும் இந்த லவ் காபி, சேலம் பஸ் நிலையத்தின் அருகே உள்ள ஒரு காபி கடையில் அறிமுகப்படுத்தப்பட்டுள்ளது.
மூலிகை மகத்துவம்:
காதலர்களுக்காகவே அக்கறையாக தயாரிக்கப்படும் இந்த லவ் காபியின் மகத்துவம் என்ன தெரியுமா? இதில் கலக்கப்பட்டுள்ள குங்குமப்பூ, பாதாம், பிஸ்தா மற்றும் இமயமலையில் இருந்து கொண்டுவரப்பட்ட சில மூலிகைகள்தான். இக்காபியைக் குடித்தாலே காதல் ஜிவ்வென்று ஏறுமாம்.
கூடும் கூட்டம்:
20 ரூபாய்க்கு விற்பனையாகும் இந்த "லவ்" காபிக்கு இளைஞர்கள், மாணவர்கள் என்று ஒரு கூட்டமே அலைமோதுவது குறிப்பிடத்தக்கது.
காபி பவுடர்தானப்பா கலக்குறீங்கா.. வேற 'எதையும்' கலந்துராதீங்க....!