செவ்வாயை நோக்கி நகரும் மங்கள்யான் - பாதி தூரத்தைக் கடந்தது

தற்போது அது 337.5 மில்லியன் கிலோமீட்டர்களை கடந்துள்ளது என்று விஞ்ஞானிகள் தெரிவித்துள்ளனர். மேலும் மங்கள்யான் விண்கலம் வரும் செப்டம்பர் 24, 2014 அன்று செவ்வாய் கிரகத்தை சென்றடையும் என்றும் எதிர்பார்க்கப்படுகிறது.

மங்கள்யானின் நோக்கம் செவ்வாய் கிரகத்தில் மனிதர்கள் வாழ ஏற்ற சாத்தியக்கூறு உள்ளதா என்று சோதித்து அனுப்பும்.

சீனாவின் செவ்வாய் கிரக பயணத்தை விட மங்கள்யான் முற்றிலும் சிறந்ததாக இருக்கும் என இஸ்ரோ தெரிவித்துள்ளது.

15 மாதங்களில் 500 விஞ்ஞானிகளால் மங்கள்யான் உருவாக்கப்பட்டது. மேலும் இதுவரை அனுப்பப்பட்ட 51 விண்கலங்களில் 27 தோல்வியடைந்துள்ளன குறிப்பிடத்தக்கது.

மேலும் இதுவரையில், அமெரிக்கா, ரஷ்யா மற்றும் யுரோப்பா விண்வெளி மையங்கள் மட்டுமே வெற்றிகரமாக செவ்வாய்க்கு செயற்கைக்கோளை அனுப்பியுள்ளது.

கடந்த டிசம்பர் ஒன்றாம் தேதி செவ்வாய் நோக்கி மங்கள்யான் தனது பயணத்தை துவங்கியது. இந்த நீண்ட பயணத்தில் மங்கள்யான் விண்கலம் பாதி தூரத்தை கடந்துவிட்டதாக இஸ்ரோ அறிவித்துள்ளது.

இந்த ஆண்டு செப்டம்பர் மாதம் 24 ஆம் தேதி, மங்கள்யான் செவ்வாய் கிரகத்தை சென்றடையும் என்று எதிர்பார்க்கப்படுகிறது.