தேமுதிக விஜயகாந்த்த்தை சந்தித்தார் திமுக நெப்போலியன்... நலம் விசாரித்தார்!

இந்த நிலையில் இன்று காலை விஜயகாந்த் கோயம்பேட்டில் உள்ள தே.மு.தி.க. கட்சி அலுவலகத்துக்கு வந்தார். அப்போது அவரை நடிகர் நெப்போலியன் சந்தித்து பேசினார்.

நெப்போலியன் கடந்த 6 மாதமாக குடும்பத்தினருடன் அமெரிக்காவில் வசித்து வருகிறார். தனது மூத்த மகனுக்காகவே அமெரிக்காவுக்கு இடம் பெயர்ந்துள்ளார் நெப்போலியன். கடந்த 2 நாட்களுக்கு முன்பு அவர் சென்னை திரும்பினார்.

விஜயகாந்த் உடல் நிலை பற்றி கேள்விப்பட்ட அவர் இன்று காலை கோயம்பேட்டில் உள்ள கட்சி அலுவலகம் சென்று விஜயகாந்தை சந்தித்து பேசினார். அப்போது விஜயகாந்திடம் நெப்போலியன் உடல் நலம் குறித்து விசாரித்தார்.

இருவரும் 20 நிமிடங்கள் பேசிக் கொண்டிருந்தனர். அப்போது அரசியல் சூழ்நிலைகள் குறித்து அவர்கள் பேசியதாகவும் கூறப்படுகிறது. நெப்போலியன் ரசிகர் மன்ற தலைவர் கவுரிசங்கரும் உடன் சென்றிருந்தார்.

திமுக உடன் தேமுதிக நெருங்குவதற்கான அறிகுறிகள் தென்படுவதாக பேசப்படும் நிலையில் இந்த சந்திப்பு முக்கியத்துவம் வாய்ந்த சந்திப்பாக கருதப்படுகிறது.