மோடி அலை வீசினால் அவர் ஏன் நடிகர்களை தேடி அலைகிறார்?: கி.வீரமணி

புதிய வாக்காளர்களுக்கு மோடி வித்தை பற்றி தெரியாது. ஆனால் வயதானவர்களுக்கு மோடி வித்தை பற்றி நன்றாக தெரியும். 1992ல் பாபர் மசூதி இடிப்பு, 2002 குஜராத்தில் சிறுபான்மையினத்தை அழித்ததை உலக அறிஞர்கள் எல்லாம் கண்டித்தார்கள்.

இந்தோனேசியாவிற்கு அடுத்தபடியாக இந்தியாவில் தான் இஸ்லாமியர்கள் அதிகம் வசிக்கிறார்கள். அவர்களை ஒழிக்க பா.ஜ.க. முடிவெடுத்துள்ளது. இந்தியாவில் பன்மொழி, கலாச்சாரத்தை ஒழிக்க இவை தீர்மானித்துள்ளது. பன்னாட்டு கம்பெனிகள் எல்லாம் பல கோடி செலவு செய்து மோடியை முன்னிறுத்தி வருகின்றனர்.

மோடி அலை மோடி அலை என கூறுகின்றனர். அப்படி ஒரு அலை வீசினால் அவர் ஏன் இந்தியா முழுவதும் அலைந்து கொண்டிருக்கிறார். ஒரு நாட்டின் பிரதமர் வேட்பாளர் என்பவர் அவருடைய இடத்தில் அல்லவா இருக்க வேண்டும். இப்படி அலைய கூடாது.

அதே போல் பிரதமர் வேட்பாளர் என்பவர் தற்போது நடிகர்களை தேடி அலைந்து கொண்டிருக்கிறார். இந்த நிலை வெட்ககேடானது. பா.ஜ.க. தலைமையில் உள்ள கூட்டணி தற்போது தீவிர சிகிச்சை பிரிவில் உள்ள கூட்டணியாக உள்ளது''என்று தெரிவித்தார்.

இதேபோல கடலூரில் செய்தியாளர்களிடம் பேசிய இந்திய கம்யூனிஸ்ட் கட்சியின் தேசிய நிர்வாகக் குழு உறுப்பினர் ஆர்.நல்லகண்ணு, தேர்தல் நடக்கும் நேரத்தில், மோடி தமிழகத்துக்கு வேட்டி சட்டையுடன் வருவதும், நடிகர்களை சந்திப்பதும் ஏதோ நாடகம் மாதிரி இருக்கிறது என்று கூறியுள்ளார்.

தேர்தலுக்காகவே நடைபெறும் இப்படிபட்ட சந்திப்புகள் மக்களை திசை திருப்பும் வேலை என்று கூறிய அவர், ஊழலற்ற ஆட்சி அமைய வேண்டும், மதச்சார்பற்ற கொள்கை வெற்றி பெற வேண்டும், ஊழலும் உலக மயமும் இணைந்ததால் இந்திய பொருளாதாரமே சீர்குலைந்து விட்டது என்று கூறினார்.

அதே பொருளாதாரக் கொள்கையைத்தான் பாஜகவும் பின்பற்றுகிறது. கூடுதலாக ஆர்எஸ்எஸ் கொள்கை களையும் நிறைவேற்றத் துடிக்கிறது. இந்தக் கட்சியையும் அனுமதிக்கக் கூடாது என்று கேட்டுக்கொண்டுள்ளார்.

இந்தியாவின் பிரதமர் வேட்பாளருக்கு இவ்வளவு அதிகமான செலவு யாரும் செய்தது இல்லை. இதற்கு பின்னால் கார்பரேட் நிறுவனங்களின் முதலாளிகள் உள்ளனர். இது ஆபத்தான அரசியல்'' என்றார்.