பிரதமர் பதவிக்கு ஜெயலலிதா தகுதியானவரா?: துர்கா ஸ்டாலின் பரபரப்பு பேட்டி

கேள்வி : உங்கள் கணவருடன் பிரச்சாரப் பயணத்தில் கூடவே பின்தொடர் கிறீர்கள். மக்களின் நாடித் துடிப்பு எப்படி இருக்கிறது?
பதில் : செல்லும் இடமெல்லாம் மக்கள் எங்களுக்கு சிறப்பான வரவேற்பு குடுக்குறாங்க. களைப்பின் வலி தெரியாமல் நாங்கள் ஓடிக் கொண்டே இருப்பதற்கு அதுதான் முக்கியக் காரணம். இந்தத் தேர் தலில் அதிமுக அரசு மீது மக்கள் ரொம்பவே கோபமாக இருப்பது தெரிகிறது.

கேள்வி : ஜெயலலிதாதான் அடுத்த பிரதமர் என்கிறார்கள் அதிமுக-வினர். ஒரு பெண் என்ற முறையில் ஜெயலலிதாவுக்கு பிரதமராகும் வாய்ப்பு கிடைத்தால் வரவேற்பீர்களா?
பதில் : ஒரு பெண் நாட்டை ஆள்வது என்பது நல்ல விஷயம்; இன்றைய சூழலில் அது வரவேற்கத்தக்கதும் கூட. ஆனால், ஜெயலலிதா அதுக்கு தகுதியானவங்கன்னு எனக்குத் தோணலியே.

கேள்வி : பிரேமலதா விஜயகாந்த் பிரச்சாரத்தில் கலக்கி எடுக்கிறார். அதுபோல நீங்கள் ஏன் மைக் பிடிக்கவில்லை?
பதில் : தமிழ்நாடு முழுவதும் எனது கணவர் பிரச்சாரம் செய்து கொண்டிருக்கிறார். அவருக்குத் துணையாக நானும் செல்கிறேன். இந்தத் தேர்தலில் நான் பார்வை யாளராக இருந்து மக்களின் மனதை படித்துக் கொண்டிருக் கிறேன். அதனால், தனியாக பிரச்சாரம் செய்ய திட்டமில்லை.

கேள்வி : திமுக வேட்பாளர் தேர்வில் இந்த முறை உங்கள் கணவரின் கையே ஓங்கியதாக சொல்லப்படுகிறதே?
பதில் : கட்சி விவகாரங்களில் நான் தலையிடுவது இல்லை. அதனால், வேட்பாளர் தேர்வு பற்றி எல்லாம் எனக்கு எதுவும் தெரியாது.

கேள்வி : திமுக தலைவர் கருணாநிதி 90 வயதிலும் பிரச்சாரம் செய்து வருவது பற்றி உங்கள் கருத்து?
பதில் : தேர்தல் பிரச்சாரத்தில் எவ்வளவு சிரமங்கள் இருக்குன்னு களத்துல இருக்கிறவங்களுக்குத் தான் தெரியும். எங்களுக்கே இப்படினா, அவங்க எப்படி இந்த வயசுலயும் இப்படி உழைக்கிறாங் கனு ரொம்ப ஆச்சரியமா இருக்கு.

கேள்வி : மோடி அலை வீசுகிறது, அம்மா அலை வீசுகிறது என்று பிரச்சாரங்கள் பிரமாதப்படுகிறதே?
பதில் : எங்க கண்ணுக்கு அப்படி எந்த அலையும் தெரியவில்லை. நான் பார்த்த வரைக்கும் முதல்வர் ஜெயலலிதாவுக்கு எதிரான எதிர்ப்பு அலைதான் தெரிகிறது.