ஓ.பி.எஸ், நத்தம் விஸ்வநாதன், வைத்தியலிங்கம், முனுசாமி.. நைஸாக உள்ளே புகுந்த செந்தில் பாலாஜி!

அதிமுகவை பொருத்தவரை அதன் பொதுச் செயலாளரான ஜெயலலிதா தான் சர்வ அதிகாரம் படைத்தவர்.

அடுத்த நிலையில், அமைச்சர்கள் ஓ.பன்னீர் செல்வம், நத்தம் விஸ்வநாதன், வைத்தியலிங்கம், முனுசாமி ஆகியோர் உள்ளனர்.

கட்சியில் முதல்வர் செய்ய நினைக்கும் காரியங்களை எல்லாம் இவர்கள் வசம் தான் சமீப காலமாக ஒப்படைத்து வந்தார். இதனால் அதிமுகவினர் மத்தியில் இந்த நால்வர் அணிக்கு தனி மரியாதை ஏற்பட்டது.

நாடாளுமன்ற தேர்தல் பிரச்சாரத்திற்கு முதல்வர் ஜெயலலிதா செல்லும் போது, இந்த நால்வர் அணிதான் கூடவே போய்க் கொண்டிருக்கிறது.

அவ்வாறு செல்லும் இந்த அணி, கட்சி நிர்வாகிகளுக்கு முதல்வர் உத்தரவு, தேர்தல் வியூகம் , வேட்பாளர்கள் செயல்பாடுகள் போன்றவற்றை சொல்லி நடைமுறைபடுத்தி வருகின்றனர். மேடை போடுவதிலும் இவர்கள் ஓ.கே சொன்னால்தான் உண்டு.

இந்த நிலையில், இந்த நால்வர் அணியில் சமீப காலமாக அமைச்சர் வைத்தியலிங்கம், தனது தொகுதியில், திமுக சார்பில் முன்னாள் திமுக மத்திய அமைச்சர் டி.ஆர்.பாலு நிற்பதால், அதிமுக வேட்பாளர் வெற்றிக்காக அதிக கவனம் செலுத்தி வருகின்றாராம். இதற்காக , முதல்வரிடம் முன் அனுமதி பெற்று தஞ்சைக்கு பறந்து விடுகின்றராம்.

இந்த கேப்பில் தற்போது புகுந்து விட்டாராம் செந்தில் பாலாஜி. இவரும் தற்போது முதல்வரின் டூர் புரோகிராமில் ஒரு நபராக இடம் பெற்று வருகிறாராம்.

இதையடுத்து உற்சாகமான செந்தில் பாலாஜியின் ஆதரவாளர்கள், நால்வர் அணிக்குள் புகுந்த அண்ணன் செந்தில் பாலாஜியை வாழ்த்தி சக ஆதரவாளர்களிடைேய ஸ்வீட் கொடுத்தெல்லாம் மகிழ்ந்து வருகிறார்களாம்...

எப்படியெல்லாம் இருக்குபா அரசியல்....