ரஜினியுடன் டூயட் பாட ஐரோப்பா போகும் சோனாக்ஷி - அனுஷ்கா!

By Shankar

Published: Tuesday, September 2, 2014, 13:06 [IST]

லிங்கா படத்தின் படப்பிடிப்பு 95 சதவீதம் நிறைவடைந்து, இன்னும் இறுதிக் காட்சி மட்டும்தான் எடுக்க வேண்டியுள்ளது.

இறுதிக் காட்சி தவிர, இரு பாடல் காட்சிகளும் படமாக்க வேண்டும். படம் முழுவதையும் மைசூர், ஹைதராபாத், ஷிமோகாவிலேயே எடுத்துவிட்ட கேஎஸ் ரவிக்குமார், பாடல் காட்சிகளை மட்டும் வெளிநாட்டில் படமாக்கத் திட்டமிட்டுள்ளாராம்.

இப்போது ஷிமோகாவில் முகாமிட்டிருக்கும் லிங்கா குழு, இன்னும் பத்து நாட்களில் படப்பிடிப்பை முடித்துவிடுவார்கள் என்று கூறப்படுகிறது.

அதன் பிறகு சென்னை திரும்பும் குழு, இம்மாத நடுவில் வெளிநாடு செல்கிறார்கள். ரஜினியுடன் சோனாக்ஷிக்கு ஒரு பாடல், அனுஷ்காவுக்கு ஒரு பாடல் ஒதுக்கப்பட்டுள்ளதாம்.

ஐரோப்பிய நாடுகளில் இந்தப் பாடல்கள் படமாக்கப்பட உள்ளதாக செய்திகள் தெரிவிக்கின்றன.