நுங்கு சாப்பிடுகிறார்... டீக்கடையில் டீ சாப்பிடுகிறார்.. வாக்கிங் போகிறார்.. ஸ்டாலின் கலகல!

ஈரோடு நாடாளுமன்ற தொகுதி பிரச்சாரத்தின்போது இப்படித்தான் இளைப்பாறுதலாக தனது துணைவியார் துர்கா ஸ்டாலினுடன் சாலையோரம் இருந்த நுங்குக் கடை அருகே வண்டியை நிறுத்தி நுங்கு சாப்பிட்டார்.

ஈரோட்டில் பிரசாரத்திற்குப் போயிருந்தபோது அங்கு தனிமையான இடத்தில் துண்டை விரித்து டி சர்ட் சகிதம், யோகாசானத்தில் ஈடுபட்டார்.

நாமக்கலுக்குப் போயிருந்தபோது அங்கு ஒரு தெருவில் அவர் தனது உதவியாளர்கள் புடை சூழ வாக்கிங்கும் போனார்.

கடலூர் நாடாளுமன்ற தொகுதிக்குட்பட்ட நெல்லிக்குப்பம் பகுதியில் பிரச்சாரம் மேற்கொண்ட போது, சாலையோர டீக்கடையில் தேனீர் அருந்தி அனைவருடனும் உரையாடினார்.

கடலூர் தொகுதியில் பிரச்சாரம் மேற்கொண்டபோது, டிபார்ட்மென்ட் ஸ்டோரில் ஒன்றில் புகுந்து வணிகம் எப்படி நடைபெறுகிறது என்றும், வாடிக்கையாளர்களிடம் கடந்த திமுக ஆட்சிக்கும், தற்போதுள்ள ஆட்சிக்கும், விலைவாசி உயர்வை பற்றி விசாரித்தறிந்தார். பருப்புப் பாக்கெட்டை எடுத்து விலையையும் பார்த்தார்.

ஈரோடு மாவட்டம் பள்ளிபாளையம், பகுதியில் தேர்தல் பிரச்சாரம் மேற்கொண்டபோது, அங்குள்ள நெசவாலை ஒன்றில் புகுந்து நெசவாளர்களின் குறைகளை கேட்டறிந்தார்.

போகும் இடங்களில் ஸ்டார் ஹோட்டல்களில் தங்குவதை விட கட்சிப் பிரமுகர்களின் வீடுகளிலேயே அவர்கள் வீட்டுப் பிள்ளையாக தங்கி அவர்களைப் பெருமைப்படுத்துகிறார்... இது சிவகங்கையில்.