நிற்க முடியாமல் விழுந்து, தவழ்ந்து, மண்ணில் புரண்டு.. ஒரு 'குடிகாரர்' படும் அவலத்தைப பாருங்கள்..!!

குடிப் பழக்கம் குடிப்பவர்களை மட்டுமல்லாமல் அவர்கள் சார்ந்த குடும்பங்களையும் பெரும் சோகத்தில் மூழ்கடித்து விடுகிறது என்பதை நாம் தினசரி பார்த்துக் கொண்டுதான் உள்ளோம். குடிகார கணவர்களைக் கட்டிக் கொண்டு எத்தனை பெண்கள் ரத்தக் கண்ணீர் வடிக்கிறார்கள் என்பதை கதை கதையாக படித்துக் கொண்டுதான் உள்ளோம். ஆனால் குடிப்பழக்கத்தை பலர் கைவிடுவதாக இல்லை.

இப்போது பள்ளி மாணவர்களும் கூட குடிப்பழக்கத்திற்கு அடிமையாகி வருகின்றனர்.

கரூர் மாவட்டம், வேலாயுதம்பாளையம் பகுதியில் வாத்து கறிக்கடைக்கு பஞ்சமில்லை. அந்த் கடைக்கு சாப்பிட வந்த சில பள்ளி மாணவர்கள் ஜாலியாக அமர்ந்து பீர் சாப்பிட்ட காட்சி பதற வைத்தது.

கோடை விடுமுறை விட்டு விட்டதால், இந்த மாணவர்ள் வாத்து கறிக்கடையில் கோடைக்கு இதமாக ஹாயாக பீர் குடித்தது பார்ப்பவர்களை அதிர வைத்தது.

இனிமேலாவது 18 வயதுக்குட்பட்டவர்களுக்கு கட்டாயமாக மது விற்பதில்லை என்ற முடிவை அரசு எடுத்தாக வேண்டும். வளரும் நிலையிலேயே இவர்கள் தறி கெட்டுப் போவதன் மூலம் அப்பாவி பெற்றோர்களின் சாபத்தைத்தான் அரசு வாங்கிக் கட்டிக் கொள்கிறது.

இதோ இந்தக் காட்சியைப் பாருங்கள். ஒரு மனிதன் விலங்கை விட கீழான நிலைக்குப் போய் விட்டான்.. இந்த கேடு கெட்ட குடியால்.

போதையில் தடுமாறி கீழே விழுந்து எழ முடியாமல் தவிக்கும் அகோரம்....

எழ முடிந்து முடியாமல் கீழே விழுந்து பின்னர் குழந்தை போல தவழ்ந்து, ஊரெல்லாம் கூடி வேடிக்கை பார்த்தாலும் உள்ளே போன அந்த மது அரக்கன் இந்த மனிதனை வெட்கத்தை உதறிப் போடச் செய்து விட்டது கொடுமைதான்....

எப்போது திருந்தப் போகிறார்களோ இந்த மொடாக் குடிகாரர்கள்.!