சிவில் என்ஜினியராக இருந்து எம்.பி வேட்பாளரான தேவதாஸ் சுந்தரம்

நெல்லை: திருநெல்வேலி தொகுதியில் திமுக வேட்பாளராக அறிவிக்கப்பட்டுள்ள தேவதாஸ் சுந்தரம் கட்டிட காண்ட்ராக்டர் தொழில் செய்து வருகிறார்.

திமுகவில் திருநெல்வேலி தொகுதி வேட்பாளராக அறிவிக்கப்பட்டுள்ள தேவதாஸ் சுந்தரம் வயது 73. அநேகமாக இவர்தான் திமுகவில் அதிக வயதுடைய எம்.பி. வேட்பாளராக இருப்பார் போல.

தேவதாஸ் சுந்தரம்

இவர் நெல்லை மாவட்டம் கடையம் அருகே யுள்ள புங்கம்பட்டி என்ற குக் கிராமத்தை சேர்ந்தவர். சிவில் துறையில் பி.இ.,இன்ஜினியரிங் முடித்துள்ள இவர் சென்னையில் சி.டி.எஸ்., என்ற கட்டுமான நிறுவனத்தை நடத்தி வருகிறார்.

சாப்ட்வேர் நிறுவனம்

சென்னையில் சாப்ட்வேர் நிறுவனத்தின் நிர்வாக இயக்குநராகவும் உள்ளார்.அங்கேயே குடும்பத்தோடு வருகிறார். நேர்காணலின் போது தேவதாஸ் சுந்தரம் எடுத்த எடுப்பிலேயே 25 கோடி ரூபாய் வரை செலவு செய்ய முடியும் என்று கூறியதால் சீட் அவருக்கு கொடுக்கப்பட்டதாக கூறுகின்றனர்.