முதல்ல இங்கிட்டு போகலாம்.. அப்புறமா எங்கிட்டாச்சும் போகலாம்.. ஓகே.வா...?!

இக்கூட்டத்தில் தமிழகத்தில் பாஜகவை பலம் வாய்ந்ததாக மாற்ற என்ன செய்யலாம் என்று சீரியஸாக விவாதித்தனராம்.

அதற்கு அடுத்து கூட்டணி குறித்து முக்கியமாக விவாதித்துள்ளனர். அதாவது அதிமுகவுடன் சேரலாமா அல்லது திமுகவுடன் போகலாமா என்பது குறித்து.

இக்கூட்டத்தில் பேசிய பலரும் அதிமுகவுடன் கூட்டணி அமைக்க ஆசைப்பட்டனராம். அதற்கான காரணத்தையும் அவர்கள் கூறினார்களாம்.

ஆனால் ஜெயலலிதா அமைதியாக இருக்கிறாரே, ஆர்வம் காட்ட மாட்டேன் என்கிறாரே என்று எதிர்த் தரப்பினர் கேட்டபோது ஆசைப்பட்டவர்கள் விளக்க முடியாமல் கமுக்கமாகி விட்டனராம்.

இதையடுத்து அதிமுகவை விரும்பாத தரப்பு, திமுகவுடன் சேரலாம். அதற்கான முயற்சிகளை எடுக்கலாம் என்றதாம். அதற்கு அவர்கள் சொன்ன காரணம், திமுகவுடன் முரண்பாடுகள் இருந்தாலும் கூட அவர்களை நாம் முழுமையாக நம்பலாம் என்பதாம்.

இந்த ரெண்டு குரூப்பையும் சாராத சிலர், பேசாமல் நம் தலைமையில் புதிய கூட்டணியை உருவாக்கிடலாமே என்று ஆலோசனை கூறினார்களாம்.

இன்னும் சிலர் தேமுதிகவுடன் கூட்டணி குறித்தும் பேசினார்களாம். பாமக குறித்தும் பேசப்பட்டதாக தெரிகிறது.

இன்னொரு குரூப்போ... மோடி வருகை, தமிழக மக்களிடத்தில் ஏற்படுத்தியுள்ள ஆதரவையும் வரவேற்பையும் வாக்குகளாக மாற்ற, கட்சியை இன்னும் பலப்படுத்திக்கொள்ள வேண்டும். யாரும் நம்மை வைத்து பலன் அடைந்துவிடக் கூடாது. கூட்டணி குறித்த அவசரமே வெளியில் காட்டக் கூடாது.

எனவே, கூட்டணித் தலைவர்கள் மனநிலையை அறியும் முன், மக்கள் மனநிலையை முதலில் அறியலாம். அதன் பின் இன்னும் தெளிவாக ஒரு முடிவுக்கு வரலாம் என்றார்களாம்.

இதையடுத்தே தற்போது முதலில் பாதயாத்திரையை தொடங்கியுள்ளதாம் பாஜக. தேர்தல் நெருங்கும் சமயத்தில் கூட்டணியை இறுதி செய்வார்களாம்.