மொதல்ல நாமெல்லாம் ஒன்று கூடுவோம். அப்புறமா மத்ததைப் பார்க்கலாம்.. ஞானம் பேச்சு!

அவர் கூறுகையில், இலங்கை தமிழர்களுக்காக ராஜீவ்காந்தி எத்தனையோ நன்மைகள் செய்தார். ஆனால் அவரை விடுதலைப்புலிகள் கொலை செய்துவிட்டனர். தமிழ்நாட்டில் இது நடந்தது. இதனால் தமிழகத்துக்கு களங்கம் ஏற்பட்டது.

காங்கிரஸ் கட்சியை மீண்டும் மீட்டெடுக்க வேண்டும். இதற்கு காங்கிரஸ் தலைவர்கள் அனைவரும் ஒன்றுபட வேண்டியது அவசியம். தொணடர்களும் இணைந்து செயல்பட வேண்டும்.

நாடாளுமன்றத்தில் காங்கிரசுக்கு எதிர்க்கட்சி தலைவர் பதவி இல்லை என்று அறிவிக்கப்பட்டுள்ளது. முக்கிய மசோதாக்களை நிறைவேற்றும்போது பிரதான எதிர்க்கட்சி இல்லாமல் இருப்பது சரியல்ல.

மதுவால் ஏழை-எளிய மக்கள் பெருமளவில் பாதிக்கப்படுகிறார்கள். மதுவின் விலையை உயர்த்துவதால் குடிப்பவர்கள் எண்ணிக்கை குறையும் என்று சொல்ல முடியாது. பூரண மதுவிலக்கு அவசியம். முழு மதுவிலக்கை கொண்டுவர அனைத்து கட்சிகளும் குரல் கொடுக்க வேண்டும். ஒன்றிணைந்து போராட வேண்டும்.

டி.டி.மருத்துவக் கல்லூரி மாணவர்களின் எதிர்காலத்தை கருத்தில் கொள்ள வேண்டியது அரசின் கடமை. அந்த மாணவர்களை அரசு அல்லது தனியார் மருத்துவக் கல்லூரிகளில் சேர்ந்து படிக்க தமிழக அரசு ஏற்பாடு செய்ய வேண்டும் என்றார் ஞானதேசிகன்.