என்ன நடக்குதுன்னே விஜயகாந்த்துக்குத் தெரியலை.. விந்தியா கிண்டல்

தமிழக மக்களுக்காக பல்வேறு நலத் திட்டங்களை முதல்வர் ஜெயலலிதா நிறைவேற்றி வருகிறார். இப்படி நாள்தோறும் நாட்டுமக்களின் நலனுக்காக பாடுபடுபவர் ஜெயலலிதா. ஆனால் கருணாநிதியோ தமிழர்களை ஏமாற்றியவர்.

தமிழர்களை கைவிட மாட்டேன் என்று அவர் சொன்னதை கேட்டு 2006-ல் மக்கள் ஓட்டு போட்டார்கள்.

ஆனால் தமிழர்களை கைவிட்டு உலக அளவிலான ஊழல் செய்தவர் கருணாநிதி. தனது குடும்பத்தினருக்கு மட்டுமே அவர் உழைத்துள்ளார்.

தனது சொந்த கட்சி காரர்களையே கட்டி காப்பாற்ற தெரியாதவர் விஜயகாந்த். அவர்
சொத்து சேர்க்கத்தான் கட்சி நடத்துகிறார். இப்போது கூட்டணியும் அமைத்துள்ளார்.

இப்போது சட்டமன்றத்துக்கு தேர்தல் நடக்கிறதா.. நாடாளுமன்றத்துக்குத் தேர்தல் நடக்கிறதா? என்று கூட விஜயகாந்துக்கு தெரியவில்லை.

முதல்வர் ஜெயலலிதா தனது கட்சி வேட்பாளர்களை திருமணத்துக்கு வரன் பார்ப்பதுபோல தேர்வு செய்துள்ளார். அதேபோலதான் திருப்பூர் வேட்பாளர் உங்கள் சகோதரி சத்யபாமா ஆவார். அவரை பெருவாரியான வாக்கு வித்தியாசத்தில் வெற்றிபெறச் செய்யுங்கள் என்றார் விந்தியா.