வானதியும் இல்லையாம், தமிழிசையும் இல்லையாம்.. மோகன்ராஜுலுவாமே!?

தலைவர் பதவிக்கு தற்போதைய தேசிய செயலாளர் டாக்டர் தமிழிசை செளந்தரராஜனின் பெயர் முதன்மையாக அடிபட்டு வருகிறது. இவர் பாஜகவில் தீவிரமாக செயல்பட்டு வருபவர். நல்ல தமிழில் உரையாற்றக் கூடியவர். முன்னாள் காங்கிரஸ் தலைவர் குமரி அனந்தனின் மகள்.

ஒருவேளை தமிழிசை பாஜக தலைவரானால், புதிய சாதனை படைப்பார். அதாவது இந்தியாவின் இரு பெரும் தேசியக் கட்சிகளின் தமிழகத் தலைவர் பதவியை வகித்த முதல் தந்தை - மகள் என்ற பெருமை இவருக்கும், குமரியாருக்கும் கிடைக்கும்.

அடுத்து வானதி சீனிவாசன். தற்போது இவர்தான் பதவிக்கு கடுமையாக முயன்று வருவதாக கூறப்படுகிறது. ஆனால் இவரது பெயர் தற்போது பின்னுக்குப் போய் விட்டதாக சொல்கிறார்கள். இவருக்கு பொன் ராதாகிருஷ்ணனின் அமோக ஆதரவு இருக்கிறதாம்.

கட்சியின் மாநிலத் துணைத் தலைவர் எச். ராஜாவின் பெயரும் அடிபடுகிறது. ஆனால் இவருக்கு எதிரான கோஷ்டிகள் வலுவாக இருப்பதால் ராஜாவுக்கான வாய்ப்பு குறைவு என்கிறார்கள்.

இவர்தான் தற்போது பட்டியலில் முன்னணியில் இருக்கிறாராம். இவரைத் தலைவராக்க பொன் ராதா தரப்பிலும் பெரிதாக அதிருப்தி இல்லை என்பதால் இவரைத் தலைவராக்கலாம் என்று பலரும் கருதுகிறார்களாம்.

தலைவர் பதவிக்கு யாரைப் போடலாம் என்பது குறித்த ரகசிய கருத்துக் கேட்பு கூட்டம், கடந்த 18-ம் தேதி சென்னையில் நடந்தது. கட்சியின் மேலிடப் பார்வையாளர்களான முரளிதர்ராவ், சதீஷ் ஆகியோர் மாவட்டத் தலைவர்கள், கோட்டப் பொறுப்பாளர்கள், மாநில நிர்வாகிகளிடம் தனித்தனியாக கருத்து கேட்டனர். இதில் மோக்ராஜுலுவுக்கு ஆதரவு அதிகம் காணப்பட்டதாம்.

இந்த நிலையில் டாக்டர் தமிழிசை, எச்.ராஜா, முன்னாள் தலைவர் சி.பி.ராதாகிருஷ்ணன் ஆகியோர் டெல்லிக்குக் கிளம்பிப் போயுள்ளனர். அங்கு மேலிடத்தில் இவர்கள் லாபி செய்து பதவியைப் பெற முயற்சிக்கலாம் என்று தெரிகிறது.