"ஞானம்" மீது ஜி.கே.வாசன் கடும் கோபமாமே...

பதிலுக்கு சிதம்பரம் கோஷ்டியும், ப.சியைத்தான் முதல்வர் வேட்பாளராக அறிவிக்க வேண்டும் என்று வலியுறுத்தி வருகிறது. அத்துடன் வாசன் தரப்பு வெளியிடுகிற ஒவ்வொரு போஸ்டர் குறித்தும் காங்கிரஸ் மேலிடத்துக்கு புகார் மேல் புகாராக அனுப்பியும் கொண்டிருக்கிறது ப.சி. கோஷ்டி

இந்த பஞ்சாயத்தில், காங்கிரஸ் தலைமையகமான சத்தியமூர்த்தி பவன் சுவற்றில் போஸ்டர் ஒட்டக் கூடாது, சத்தியமூர்த்தி பவனுக்குள் நோட்டீஸ் எதனையும் கொடுக்கக் கூடாது என்றெல்லாம் ஞானதேசிகன் உத்தரவிட்டிருக்கிறாராம்.

இது ஜி.கே.வாசன் தரப்பினரை எரிச்சலடைய வைத்துள்ளதாம். 'ஞானதேசிகன் நம்ம ஆள்தானே..அவரே எப்படி இந்த மாதிரி உத்தரவிடலாம்" என்று எகிறியபடியே வாசனிடம் முறையிட்டுள்ளனர்.

இதனால் ஞானதேசிகன் மீது ஜி.கே.வாசனும் கோபத்தில் இருக்கிறார் என்கின்றன சத்தியமூர்த்தி பவன் வட்டாரங்கள். நமக்கு ஆதரவாக இருப்பதுபோல் காட்டிக் கொண்டே உள்ளடி வேலைகளில் எதுவும் ஈடுபடுகிறாரோ என்ற சந்தேகமும் ஜி.கே.வாசனுக்கு வந்துள்ளதாகவும் கூறப்படுகிறது.